Мобилните протетски помагала се решение секогаш кога нема можност за фиксно протетско решение или кога нема услови за поставување на импланти.Мобилните помагала пациентот сам ги поставува и ги вади од устата.Тука спаѓаат тотални и парцијални класични и визил протези..

• Тотални протези се индицирани кога нема преостанати заби во устата на пациентот и кога нема услови за постава на импланти и претставуваат одлично решение за тотална беззабост.
• Парцијалните протези се решение кога во устата сеуште има преостанати заби но нема услови за мостовска конструкција или постава на импланти.Тие можат да бидат класични каде што кукичките се жичани или визил протези кога целата протеза заедно со ретенционите елементи(кукичките) се излиени од метал.Визил протезите се пограцилни и попријатни за носење на пациентот.
• Постојат и таканаречени комбинирани протетски решенија кога фиксниот мост на дел од забите е комбиниран заедно со мобилно протетско помагало-протеза кои меѓусебно се поврзани со ретенциони елементи кои се нарекуваат атечмени.Тие овозможуваат одлична комфорност,естетска компатибилност и се лесно прифатливи за пациентите

Коронките се индицирани кај фрактурирани заби,заби со големи композитни полнења најчесто лекувани или пак заби со променета боја и форма.Целта на поединечните коронки е да се надогради и заштити забот и да се задржи во устата што е можно подолго,да се врати во функција и естетски да задоволува во однос на преостанатите заби.

Можат да бидат изработени од металкерамика или безметална керамика